No image
Mary Misaveni Mabuza
Lifetime Achievement Literary Award
 A. DyondzoManana Mabuza u vile an dyondzo yo fuwa swinene a nga si sungula vutsari bya yena. Endzhaku ka loko a thwaserile tidyondzo ta Ntivovukorhoki, u dyondzerile BA eYunivhesiti ya Afrika-Dzonga, a tokota hi Xitsonga an Xinghezi. Tidyondzo to engetela ta Criminology an Sociology ti pfunetile swinene ku seketela vutsari bya yena.

B. Ntirho

Manana Mabuza u tirhile eka Ndzawulo ya Dyondzo nkarhi hinkwawo wa ku tirha ka yena. U vile mudyondzisi, nhloko ya xikolo xa le henhla an mukamberi wa swikolo ku fikela loko a heta ntirho hi 1995. Eka ntirho wa yena u dyondzisile Xinghezi an Xibunu, kutani tindzimi letimbirhi, loko ti hlangana an Xitsonga ti n’wi pfunile ku hlaya matsalwa hi ndlela yo anama swinene, kutani leswi swi pfuna eka ku tumbuluxa ka matsalwa ya yena n’wini.

C. Vutsari

C.1 Matsalwa lama nga hangalasiwa

Tsalwa ra yena ro sungula ri hangalasiwile hi 1983. I xikatsa xa swirungulwana swa khumembirhi lexi nga thyiwa Khuluka an Ritavi. Swirungulwana leswi i swa mikongomelo yo hambana, ku katsa mavondzo an maendlele yo hlamarisa ya vumunhu. Vito ra xikatsa lexi ri huma eka xirungulwana lexi paluxaka swinene mhaka ya mavondzo. Nhloko ya xikolo yi handzulela fomo yo kombela basari ya n’wana wa xisiwana xo hetelela. U cukumetela swiphemu swa fomo enambyeni wa Ritavi swi tikhulukela. Kambe tanihileswi vhilwa ra vutomi ri rhendzelekaka, nhloko ya xikolo u etlele exibedlhele, no vona kahle a nga ha voni kahle, kutani a pfuniwa hi wajaha loyi a nga handzulela fomo ya yena, loyi se a nga dokodela wa vutshunguri.
Eka nkarhi wa sweswi Mabuza u le ku hundzuluxeni ka swirungulwana swa yena swi ya eka ririmi ra Xinghezi.
Matsalwa man’wana ya Mabuza hi lama landzelaka:
Ximambana, leri nga xinovhelana, lexi nga hangalasiwa hi 1985; nkongomelo wa kona i wa wansati loyi a kokaka nuna hi nhompfu eka vukati bya vona, a xisa n’wana wa vona wa xisati, loyi a nga an nkateko wo va an nuna wo n’wi rivalela loko a thumbha vuxisi bya nsati wa yena. Mabuza u khutaziwile hi vahlayi ku ndlandlamuxa tsalwa leri ra Ximambana hi ku ndlandlamuxa swimunhuhatwa hi mbulavulo wa vona an n’wangulano. Leswi swi endliwile hi 2009 .
Tsalwa ra Yandhayeyoo! i ntlangu lowu nga xirilo xa vavasati loko va ri karhi va hlangana an mitlhonltho eka swa vukati. Wu hangalasiwile hi 1992.
Ntlangu wa Nyuku wa mbyana wu kongoma ximunhuhatwa lexi nga vuyeriwiki hi nchumu hambi xi tikarhata, hikwalaho ka vuxisi an vumbabvha eka mbangu lowu a tirhaka eka wona. Ntlangu lowu wu hangalasiwile hi 1993. Wu kumile sagwati eka mphikizano wa vahangalasi va ka Maskew Miller Longman.

C.2 Matsalwa lama nga endleleni

C.2.1 Tsalwambisi leri nga hela
Tsalwambisi ra yena ra sweswi i ntlangu lowu nga thyiwa Ezivukweni ra Ntiyiso. Tsalwa leri ri le ku hleriweni eka nkarhi wa sweswi. I tsalwa ro tianakanyela ra xiyimo xa le henhla, leri hlohleteriwaka hi miehleketo ya ku fanela ku basisiwa swidyoho ka munhu loko a fa. C.2.2 Mpfapfarhuto

Eka nkarhi wa sweswi Mabuza u le ku mpfapfarhuteni ka ntitsalavutomi.
C. Swin’wana an swin’wana

Matsalwa ya Mabuza ya dyondziwa eka swiyimo swo hambana eswikolweni, ku katsa an le tiyunivhesiti leti dyondzisaka Xitsonga

2y